«Электрондық қаржы орталығы» АҚ алаңындағы Қоғамдық кеңес: мемлекеттік қаржы саласындағы цифрлық шешімдердің ашықтығына, автоматтандырылуына және дамуына баса назар аудару
«Электрондық қаржы орталығы» АҚ алаңында ҚР Қаржы министрлігі, Мемлекеттік кірістер комитеті, Ішкі мемлекеттік аудит комитеті өкілдерінің, сондай-ақ тәуелсіз сарапшылардың қатысуымен Қоғамдық кеңестің отырысы өтті.
Қазақстан Республикасының Қаржы вице-министрі Турысов Асет Нурланович онлайн режимде талқылауға қосылып, мемлекеттік қаржы жүйесін цифрлық трансформациялау маңыздылығын атап өтті. Кездесу барысында «ЭҚО» АҚ Басқарма төрағасы Дияс Казбекович Қоғам жүзеге асырып жатқан негізгі жобаларды таныстырды. Бюджеттік жоспарлауды автоматтандыру, шығыстарды цифрлық бақылау және талдамалық платформаларға қатысты шешімдер ұсынылды.
Сондай-ақ мектеп мекемелеріне арналған бұлтты бухгалтерияны енгізу жобасы таныстырылды. Бұл жоба білім беру жүйесіндегі қаржылық ағындарды басқарудың ашықтығы мен тиімділігін арттыруға, сондай-ақ мектептердің бухгалтерлік қызметтеріне түсетін әкімшілік жүктемені азайтуға бағытталған. ЭҚО мемлекеттік қаржы саласындағы техникалық оператор рөлінен цифрлық шешімдер орталығына көшуін тағы бір мәрте көрсетті.
«ЭҚО» АҚ-ның 2025 жылға арналған басты бағыты-Digital Finance цифрлық экожүйесін дамыту, ЖИ, Big Data және бұлтты технологияларды енгізу, бюджеттік процеске қатысушылардың цифрлық бейіндерін құру және АТ-шешімдерді экспорттау.
«ЭҚО» АҚ мемлекеттік органдардан бастап бизнеске дейінгі барлық тараптарды бірыңғай жүйеге біріктіре отырып, мемлекеттік қаржыны цифрлық басқарудың орталық буыны болуға ұмтылады.