«Электрондық қаржы орталығы» АҚ алаңында Ұлттық тауарлар каталогын (ҰТК) іске қосу және қолдану мәселелері бойынша жұмыс кеңесі өтті
2025 жылғы 3 желтоқсанда «Электрондық қаржы орталығы» АҚ базасында Қаржы министрлігі, Сауда және интеграция министрлігі, «Атамекен» ҚР ҰКП, Мәжіліс депутаттары, фискалдық деректер операторлары мен бизнес өкілдерінің қатысуымен Ұлттық тауарлар каталогын енгізу және оның практикалық қолданылуы талқыланған жұмыс кездесуі өтті. Кездесудің негізгі мақсаты – ҰТК-ның жұмыс істеу тәртібін, бірегей кодтарды қолдану ерекшеліктерін және сауда операцияларына әсерін жан-жақты түсіндіру болды.
Кеңес барысында «ЭҚО» АҚ мамандары тауардың бірегей кодын қалыптастыру процесін және оның іс жүзіндегі қолданылуын көрсетті. Оқиға орнында ККМ арқылы чек соғылып, тауар атауы Ұлттық тауарлар каталогынан автоматты түрде тартылғаны көрсетілді. Бұл демонстрация қатысушыларға жүйенің нақты уақыт режимінде қалай жұмыс істейтінін көрнекі түрде түсінуге мүмкіндік берді.
Қатысушыларға тауар карточкаларын енгізу тәртібі, модерация процестері, уақытша кодтарды беру механизмдері және өтпелі кезеңдегі жұмыс ерекшеліктері бойынша толық түсіндірмелер ұсынылды. Мемлекеттік органдар мен «ЭҚО» АҚ өкілдері Мәжіліс депутаттары мен кәсіпкерлер көтерген барлық сұрақтарға жан-жақты жауап берді.
Қаржы вице-министрі Асет Нұрланұлы ТҰРЫСОВ 1 қаңтардан бастап кәсіпкерлерге ешқандай санкциялар, айыппұлдар немесе шектеу шаралары қолданылмайтынын ерекше атап өтті.
«ҰТК жүйесінің мақсаты – бизнеске немесе мемлекетке қосымша кедергі жасау емес. Бұл – жұмыс процесін жеңілдету, ашықтықты қамтамасыз ету және есепке алу сапасын арттыру», — деді Турысов А.Н.
Кездесуге Қаржы министрлігінің, Сауда және интеграция министрлігінің, КГД өкілдері, «Атамекен» ҰКП басшылығы, «Respublica» партиясының депутаттары және «ЭҚО» АҚ жетекші мамандары қатысты.
Кеңес конструктивті форматта өтіп, ҰТК-ны енгізу бойынша бірлескен жұмысты жалғастыру, бизнеске түсіндіру жұмыстарын күшейту және қосымша ресми түсіндірмелер әзірлеу туралы уағдаластықпен аяқталды.