Электрондық қаржы орталығы» АҚ-да ҚҚС әкімшілендірудің жаңа тәсілдерінің презентациясы: бір күндік компаниялаға арналған «Қақпандар» тұжырымдамасы

Бүгін, 12 наурызда Қазақстан Республикасының Қаржы министрлігі «Электрондық қаржы орталығы» АҚ-да қосылған құн салығын (ҚҚС) әкімшілендірудің жаңа тәсілдері жөнінде маңызды таныстырылым өткізді.

Іс-шара Қаржы министрлігінің шақыруы бойынша ұйымдастырылып, Парламент Мәжілісінің депутаттарын, «Атамекен» ҰКП өкілдерін және қаржы саласындағы сарапшыларды қоса алғанда, маңызды қатысушылар жиналды.

Іс-шараны Қазақстан Республикасының бірінші қаржы вице-министрі ашты.

Таныстырылым барысында бір күндік компаниялар үшін «Қақпан» құру тұжырымдамасы ұсынылды. Қаржы министрлігі мемлекет алдында өздерінің қаржылық міндеттемелерін жүйелі әрі уақтылы орындайтын ұзақ мерзімнен бері жұмыс істеп жүрген кәсіпорындарды қоспағанда, жаңадан құрылған компанияларға ғана ҚҚС-қа аванс беруді енгізу жоспарларымен бөлісті.